ಮಗುವಿನಂತೆ ಗೀಚುತಿರುವೆ ನಿನ್ನ ಹೆಸರ ಬಳಪದಲಿ...

ಮಗುವಿನಂತೆ ಗೀಚುತಿರುವೆ ನಿನ್ನ ಹೆಸರ ಬಳಪದಲಿ 
ಗೋಚರಿಸು ಕಣ್ಣಮುಂದೆ ನೀನೊಮ್ಮೆ ಧ್ರುವ ತಾರೆಯ ಹೊಳಪಿನಂತೆ 

ಬಯಸಿದೆ ಇ ಹೃದಯ ಸದಾ ಇರಲು ನಿನ್ನ ಸನಿಹದಲಿ 
ಬಕಪಕ್ಷಿಯಂತೆ ನಿನ್ನ ಕಾದೆನು ನೀನಿರದ ವಿರಹದಲಿ 
ನಿನ್ನ ನಾ ಹೇಗೆ ಬಣ್ಣಿಸಲಿ ನನ್ನ ಇ ಕೈ ಬರಹದಲಿ

ಕರೆದಿದೆ ಭುವಿ ಇಂದು ವರುಣನನು ಪ್ರೀತಿಯ ಒಲವಿನಲಿ 
ಸವರಿವೆ ಮಳೆಹನಿಗಳು ಭುವಿಯ ಅಧರವನು ಬೆರಳಿನಲಿ 
ತೊಡಿಸಿವೆ ಹಸಿರ ಮಲೆನಾಡಿನ ಮಾಲೆಯನು ಭುವಿಯ ಕೊರಳಿನಲಿ 

                                                           ಶಿವಪ್ರಸಾದ ಮಿಣಜಿಗಿ