ಮನಸು ಮಾಗಿದೆ ಮುದ್ದಾದ ಹೃದಯದ ಮಿಡಿತಕೆ...

ಮನಸು ಮಾಗಿದೆ ಮುದ್ದಾದ ಹೃದಯದ ಮಿಡಿತಕೆ

ಕನಸು ಕಾಡಿದೆ ಕನವರಿಕೆಯಲಿ ಕಣ್ಣ ರೆಪ್ಪೆಯ ಬಡಿತಕೆ

ನೋಡುವ ಆಸೆಯು ಹೃದಯಕೆ ಇಂದು ನಿನ್ನನು

ಒಮ್ಮೆಯಾದರೂ ನಿ ನೆನಪಿಸಿಕೊ ಕನಸಲಿ ನನ್ನನು

ಮರೆತಿದೆ ಮರುವಿನಲಿ ಹೃದಯವು ತಾನೇ ತನ್ನನು

ಕಣ್ಣ ಮುಚ್ಚಿ ನೆಡೆದರೂ ಕಣ್ಣ್ಮುಂದೆ ಬಂದು ಕಾಡತಿ

ಮರೆಯಲ್ಲೆ ನಿಂತು ಕಣ್ಣ ಸನ್ನೆಯಲೇ ಮೋಡಿಯ ಮಾಡತಿ

ಒಲವಿನ ಗೀತೆಯ ಪ್ರೀತಿಯ ಕಂಠದಿ ಎಷ್ಟು ಚಂದ ನಿ ಹಾಡತಿ

                                                   ಶಿವಪ್ರಸಾದ ಮಿಣಜಿಗಿ

ಸಾಗರದ ಅಲೆಗಳ ಸರಸ ಸಲ್ಲಾಪವು ತೀರದ ಜೊತೆಗೆ...

ಸಾಗರದ ಅಲೆಗಳ ಸರಸ ಸಲ್ಲಾಪವು ತೀರದ ಜೊತೆಗೆ

ಏನೆಂದು ನಾ ಹೆಸರಿಡಲಿ ಇ ಪ್ರಣಯದ ಕಥೆಗೆ

ಅಲೆಗಳು ತೀರದ ಕೆನ್ನೆಗೆ ಸವರಿ ಹೋಗುವ ಆಟ

ಪ್ರತಿ ಕ್ಷಣ ಹೇಳಿಕೊಟ್ಟಿದೆ ತೀರಕೆ ಪ್ರಣಯದ ಪಾಠ

ಅಲೆ ತೀರಗಳ ನಡುವೆ ಮರಳಿನದೇ ಬಲು ಪೀಕಲಾಟ

ಹೋದರೂ ಮತ್ತೆ ಪುನಃ ಬರುವೆ ನಿ ನನ್ನನು ನೋಡಲು

ಬಿಟ್ಟು ಇರಲು ಆಗದು ನಿ ಮೋಡಿಯ ಮಾಡಲು

ರಾತ್ರಿಯ ವೇಳೆಯಲಿ ಸೋನೆಯ ಸದ್ದಿನಲಿ ನನ್ನನು ನಿ ಕಾಡಲು

                                                       ಶಿವಪ್ರಸಾದ ಮಿಣಜಿಗಿ

ನಿನ್ನ ಬೆರಳುಗಳು ಮುಂಗುರುಳನು ಸರಿಸುವ ವೇಳೆ...

ನಿನ್ನ ಬೆರಳುಗಳು ಮುಂಗುರುಳನು ಸರಿಸುವ ವೇಳೆ

ಹೃದಯದಲಿ ವಸಂತ ಕೋಗಿಲೆ ಕೂಗಿದೆ ಕೇಳೆ

ಕಣ್ಣಮುಚ್ಚಿ ಒಮ್ಮೆ ನೆನೆದರೆ ಸಾಕು ಕಣ್ಮುಂದೆ ಬರುವೆ

ಏಳು ಜನ್ಮಕೂ ಏಳೇಳು ಜನ್ಮಕೂ ಜೊತೆಯಲಿ ಇರುವೆ

ಪ್ರೀತಿಯ ಒಲವಿನ ಔತಣವನು ನಿನಗಾಗಿ ತರುವೆ

ಮರೆತರು ಮರೆಯಲು ಆಗದು ನಿನ್ನ ಆ ಮಂದಹಾಸ

ನಿನ್ನ ಆ ಹೃದಯದಲೇ ಇನ್ಮುಂದೆ ನನ್ನ ಒಲವಿನ ವಾಸ 

ಪ್ರೀತಿಯ ಹಾಡಿನಲಿ ಸದಾ ಕೂಡಿರಲಿ  ನಿನ್ನ ನನ್ನ ಪ್ರಾಸ

                                            ಶಿವಪ್ರಸಾದ ಮಿಣಜಿಗಿ

ನಯನದ ನೋಟದಿ ಹೃದಯದ ಬಡಿತವು ಆಗಿದೆ ಹೆಚ್ಚು ಕಮ್ಮಿ...

ನಯನದ ನೋಟದಿ ಹೃದಯದ ಬಡಿತವು ಆಗಿದೆ ಹೆಚ್ಚು ಕಮ್ಮಿ

ಪ್ರೀತಿಯಲಿ ಬಿದ್ದ ಮೇಲೆ ಇರುಳಲಿ ಯಾಕೋ ಸ್ವಲ್ಪ ನಿದ್ದೆ ಕಮ್ಮಿ

ಹೃದಯದ ಹೂದೋಟದಿ ಪ್ರೀತಿಯ ಹೂವು ಅರಳಿ

ಮನದಲಿ ಪ್ರೀತಿಯು ಮುಂಗಾರು ಮಳೆಯಾಗಿದೆ ಮರಳಿ

ಹೃದಯವಿಂದು ಸೊರಗಿದೆ ತುಸು ವಿರಹದಲಿ ನರಳಿ

ಪ್ರೀತಿಯ ಜ್ವರವೇರಲು ಊಟವು ಯಾಕೋ ಸೇರದು

ಪ್ರತಿ ರಾತ್ರಿ ನಿನ್ನನು ನೆನೆಯದೆ ನಿದಿರೆಯು ಬಾರದು

ನಿ ನನ್ನ ಬಂದು ಸೇರುವವರೆಗೆ ವಿರಹದ ವೇದನೆ ಆರದು

                                             ಶಿವಪ್ರಸಾದ ಮಿಣಜಿಗಿ