ಆ ನಿನ್ನ ಹೃದಯವೇ ಸ್ವಾತಿ ಮುತ್ತಿನ ಹರಳು...

ಆ ನಿನ್ನ ಹೃದಯವೇ ಸ್ವಾತಿ ಮುತ್ತಿನ ಹರಳು 
ನಿನ್ನಯ ಮೋಡಿಗೆ ನನ್ನ ಮನಸಾಗಿದೆ ಮರಳು 

ಪ್ರತಿಕ್ಷಣ ಜೊತೆಗಿರಲು ನಾನಾಗಬಾರದೇ ನಿನ್ನ ನೆರಳು 
ಸದಾ ಗುನುಗುತಿರಲಿ ನನ್ನ ಹೆಸರು ಆ ನಿನ್ನ ಕೊರಳು 
ಪ್ರೀತಿಯ ಅಲೆಗಳ ಒಡೆತಕೆ ನಾನಾಗುವೆ ತೀರದ ಮರಳು 

ಗೀಚುತಲಿ ಹಾಗೆ ನನ್ನ ಹೆಸರ ಬರೆಯಬಾರದೇ ನಿನ್ನ ಬೆರಳು 
ನಿನ್ನ ನೆನಪಿಲ್ಲದ ರಾತ್ರಿಯಲ್ಲಾ ಚಂದರನಿಲ್ಲದ ಇರುಳು 
ಕೂಗಿ ಕೂಗಿ ಕರೆದಿದೆ ನಿನ್ನನು ನನ್ನ ಪ್ರೀತಿಯ ಕರುಳು 

                                                ಶಿವಪ್ರಸಾದ ಮಿಣಜಿಗಿ