ಹೂಗಳ ಸುರಿಯುವ ಜಡಿಮಳೆ ಶುರುವಾಗಿದೆ...

ಹೂಗಳ ಸುರಿಯುವ ಜಡಿಮಳೆ ಶುರುವಾಗಿದೆ
ನಿನ್ನಯ ಜೊತೆಯಲಿ ನಾಲ್ಕು ಹೆಜ್ಜೆಹಾಕುವ ಮನಸಾಗಿದೆ 

ಹೂಗಳು ನಿನ್ನ ಮುತ್ತುವಾಗ ಅದರ ಅಂದ ನಾ ಹೇಗೆ ಬಣ್ಣಿಸಲಿ 
ಇಬ್ಬನಿ ಮುತ್ತಿದ ನಿನ್ನಯ ತುಟಿಯ ನಾ ಹೇಗೆ ಚುಂಬಿಸಲಿ 
ಮಾತೇ ಬರದಾದ ಆ ಸಮಯ ನಾ ಹೇಗೆ ಮರೆಯಲಿ 

ನೀನಿರುವ ಕ್ಷಣ ಕ್ಷಣ ನನ್ನ ಗಮನ ನಿನ್ನಲಿ 
ನೀ ನಿಲ್ಲದ ಆ ಕ್ಷಣ ನಾನಿಲ್ಲ ನನ್ನಲಿ 
ಕೊಲ್ಲುತಿರು ಹಾಗೆ ಸುಮ್ಮನೆ ನನ್ನನು ನಿನ್ನಯ ಕಣ್ಣಲಿ 

                                        ಶಿವಪ್ರಸಾದ ಮಿಣಜಿಗಿ