ಪ್ರೀತಿ ಲತೆಯೊಂದು ಕನಸಿನಲಿ ಬಂದು ನಿನ್ನ ಹೆಸರ ಹೇಳಿದೆ...

ಪ್ರೀತಿ ಲತೆಯೊಂದು ಕನಸಿನಲಿ ಬಂದು ನಿನ್ನ ಹೆಸರ ಹೇಳಿದೆ 
ಎದೆಯಲ್ಲಿ ಮುಚ್ಚಿಟ್ಟ ನಮ್ಮ ಪ್ರೀತಿಯ ವಿಷಯ ಕೆಣಕಿ ಕೆಣಕಿ ಕೇಳಿದೆ 
ಇ ವಿಷಯ ತಿಳಿದು ಇ ನನ್ನ ಮನಸು ಒಳಗೊಳಗೆ ಮುಗುಳ್ನಗೆಯ ಬಿರುತಿದೆ 

ಜೀವನದ ಸಾಗರದ ಪ್ರೀತಿಯ ಸುಳಿಗೆ ನಾನಿಂದು ಸಿಲುಕಿದೆ 
ನಿನ್ನಯ ಪ್ರೀತಿಯ ಉಸಿರಾಟವಿರಲು ಇ ಜೀವ ಇನ್ನೂ ಬದುಕುಳಿದಿದೆ 
ನಸುಕಿನಾ ಕನಸಲ್ಲಿ ನಿದ್ದೆಯಾ ಕಣ್ಣಲ್ಲಿ ನೀ ನನಗೆ ಕಂಡಂತಿದೆ 
ಆ ನಿನ್ನ ಒಲವು ಕನಸಲ್ಲೂ ಕೂಡ ಕೈಚಾಚಿ ಕರೆದಂತಿದೆ 

ನಮ್ಮ ಪ್ರೀತಿಗೆ ನನ್ನ ಹೃದಯವಿಂದು ನೂರು ಪ್ರಶ್ನೆಗಳ ಕೇಳಿದೆ 
ನಿನ್ನ ನೋಟವೆ ಆ ಕ್ಷಣ ನನ್ನ ಕಡೆ ತಿರುಗಿ ಎಲ್ಲ ಉತ್ತರ ಹೇಳಿದೆ 
ಜೀವನದ ಪ್ರತಿಕ್ಷಣ ನಿನ್ನಯ ಸಿಹಿ ಸನಿಹ ಯಾವಾಗಲು ಬಯಸಿದೆ 
ನೀನಿಲ್ಲದಿರೆ ಆ ಕ್ಷಣ ನನ್ನ ಮನವಿಂದು ಮರುಗಿಮರುಗಿ ಕೊರಗಿದೆ

                                                       ಶಿವಪ್ರಸಾದ ಮಿಣಜಿಗಿ