ನನ್ನ ಪ್ರೀತಿಯ ಮೂಲ

ದೀಪಕೆ ಕೇಳಿದೆ ಎಲ್ಲಿ ನಿನ್ನ ಬೆಳಕಿನ ಮೂಲ 
ಗಾಳಿಗೆ ಕೇಳಿದೆ ಎಲ್ಲಿ ನಿನ್ನ ಸೌಗಂಧದ ಮೂಲ 
ನನ್ನಲಿ ಹುಟ್ಟಿದ ಈ ನಿನ್ನ ಪ್ರೀತಿಗೆ ಕೇಳಿದೆ ಎಲ್ಲಿ ನಿನ್ನ ಮೂಲ

ಭೂಮಿಗೆ ತಿಳಿಯದು ಮಳೆಯ ಮೂಲ 
ದುಂಬಿಗೆ ತಿಳಿಯದು ಜೇನಿನ ಮೂಲ 
ಆದರೆ ಪ್ರೀಯೆ ನನಗೆ ತಿಳಿದಿದೆ ನನ್ನ ಪ್ರೀತಿಯ ಮೂಲ 
ಅದು ಹುಟ್ಟಿದ್ದು ನಿನ್ನಿಂದ ನೋಡಾ... 

ಕಾಮನಬಿಲ್ಲಿಗೆ ತಿಳಿಯದು ಬಣ್ಣದ ಮೂಲ 
ಮಗುವಿಗೆ ತಿಳಿಯದು ನಗುವಿನ ಮೂಲ 
ಆದರೆ ಪ್ರೀಯೆ ನನಗೆ ತಿಳಿದಿದೆ ನನ್ನ ಪ್ರೀತಿಯ ಮೂಲ 
ಅದು ಹುಟ್ಟಿದ್ದು ನಿನ್ನಿಂದ ನೋಡಾ... 

                                         ಶಿವಪ್ರಸಾದ ಮಿಣಜಿಗಿ