ಅನುರಾಗ ಅರಳಲು ಕಾರಣವು ತಿಳಿಯದು...

ಅನುರಾಗ ಅರಳಲು ಕಾರಣವು ತಿಳಿಯದು

ಪ್ರೀತಿಯಲಿ ಮುಳುಗಲು ತೆಲುಗೇನು ಹೊಳೆಯದು

ಕಾರ್ಮೋಡ ಮಳೆಯಾಗಿ ಸುರಿದು ಭುವಿಗೆ ಪ್ರೀತಿಯ ಉಣಿಸಿದೆ

ಒಲವಿನ ಪ್ರೀತಿಯು ಹೃದಯವನು ನಿನ್ನೆಡೆಗೆ ಮಣಿಸಿದೆ

ನಿ ಜೊತೆಗಿರದ ದಿನಗಳನು ನೋವಿನ ವಿರಹದಲಿ ಎಣಿಸಿದೆ

ನೋಡುತ ಕುಳಿತೆನು ಆ ನಿನ್ನ ಸುಂದರ ಕಣ್ಣಣೆ

ಮಾಡಲು ಆಗದು ಯಾವ ಪದಗಳಿಗೆ ನಿನ್ನಯ ಬಣ್ಣನೆ

ಒಮ್ಮೆ ನಿ ಕೊಟ್ಟುಬಿಡು ನನ್ನ  ಪ್ರೀತಿಗೆ ನಿನ್ನಯ ಮನ್ನಣೆ

                                           ಶಿವಪ್ರಸಾದ ಮಿಣಜಿಗಿ

ನೋಡು ನೋಡುತಲೆ ಒಲವಿನ ಪ್ರೀತಿ ಹೆಚ್ಚಾಗಿದೆ...

ನೋಡು ನೋಡುತಲೆ ಒಲವಿನ ಪ್ರೀತಿ ಹೆಚ್ಚಾಗಿದೆ

ಕಣ್ಣ ನೋಟಕೆ ಹೃದಯವು ತುಸು ಹುಚ್ಚಾಗಿದೆ

ಅಧರಗಳು ನನ್ನಿಂದ ಏನೇನೊ ಬಯಸಿವೆ

ಮೋಡಿಯ ಮಾಡುತ ಸನಿಹಕೆ ನನ್ನನು ಕರೆಸಿವೆ

ಅಧರಗಳ ಬಂಧನವು ಜಗವನೇ ಮರೆಸಿವೆ

ಇಲ್ಲಾ ಎನ್ನಲು ಮನಸಾಗದು ನಿನ್ನ ಕಣ್ಣ ನೋಟ ಕರೆದರೆ

ಉಸಿರು ನಿಂತ ಹಾಗಿದೆ ಸ್ವಲ್ಪ ಮರೆಗೆ ನಿ ಸರೆದರೆ

ಯಾರು ಕೂಡ ಬರೆದಿರಬಾರದು ನಿನ್ನ ಬಣ್ಣನೆ ಬರೆದರೆ

                                           ಶಿವಪ್ರಸಾದ ಮಿಣಜಿಗಿ

ಕನಸುಗಳ ಕಾರಂಜಿಯಂತೆ ಚಿಮ್ಮಿದೆ ಪ್ರೀತಿಯ ಚಿಲುಮೆ...

ಕನಸುಗಳ ಕಾರಂಜಿಯಂತೆ ಚಿಮ್ಮಿದೆ ಪ್ರೀತಿಯ ಚಿಲುಮೆ

ಸದಾ ಬಯಸಿದೆ ಮನಸು ನಿನ್ನ ಪ್ರೇಮದ ಒಲುಮೆ

ನೋಡಿರದ ಊರಿಗೆ ಹೃದಯದ ಪಯಣ ಸಾಗಿದೆ

ಜೊತೆಯಲಿ ನೆಡೆಯಲು ನಿನ್ನ ಕಿರುಬೆರಳು ತಾಗಿದೆ

ಹೃದಯವೆ ಹೇಳಬೇಕಿದೆ ಪಯಣದ ಅನುಭವ ಹೇಗಿದೆ

ಮಿಂಚನ್ನು ಬೆನ್ನ ಹತ್ತಿದ ಗುಡುಗಿನಂತೆ ನಾನು

ಬೆಳದಿಂಗಳ ಇರುಳಲಿ ಅರಳುವ ಪಾರಿಜಾತದಂತೆ ನೀನು

ಭುವಿಯ ಒಲವಿನ ಕರೆಗೆ ಪ್ರೀತಿಯ ಮಳೆಹನಿ ಸುರಿಸದೆ ಬಾನು

 

                                                     ಶಿವಪ್ರಸಾದ ಮಿಣಜಿಗಿ

ಮಣ್ಣಿನ ಗಂಧದ ಸುವಾಸನೆಯಂತೆ ನಿನ್ನಯ ಪ್ರೀತಿ...

ಮಣ್ಣಿನ ಗಂಧದ ಸುವಾಸನೆಯಂತೆ ನಿನ್ನಯ ಪ್ರೀತಿ

ಭುವಿಯ ಕೆನ್ನೆಗೆ ಮಳೆಹನಿ ಮುತ್ತಿಡುವುದೇ ಒಲವಿನ ರೀತಿ

ಎಲ್ಲೊ ಹೊರಟ ಮೋಡಕೆ ಧರೆಯು ಕಣ್ಣ ಸನ್ನೆಯ ಮಾಡಿದೆ

ತಂಗಾಳಿಯ ಕಳಿಸಿ ಒಲವಿನ ಸಂದೇಶವನು ಧರೆಯು ನೀಡಿದೆ

ಸಂದೇಶದ ಸ್ಪರ್ಶಕೆ ಮೋಡದಿ ಒಲವು ತಂತಾನೆ ಮೂಡಿದೆ

ಮೋಡವು ಕರಗಿ ನೀರಾಗಿ ಬಾನಿಂದ ಭುವಿಗೆ ಜಾರಿದೆ

ಮಳೆಹನಿಯ ಸ್ಪರ್ಶಕೆ ಧರೆಯ ವಿರಹವು ಆರಿದೆ

ಮೋಡ ಧರೆಯ ಒಲವಿನ ಕತೆಯನು ಬಾನು ಜಗಕೆಲ್ಲ ಸಾರಿದೆ

                                                   ಶಿವಪ್ರಸಾದ ಮಿಣಜಿಗಿ