ಹಗಲಿರಲಿ ಇರುಳಿರಲಿ ಸದಾ ನಿನ್ನ ಕನಸಿರಲಿ...

ಹಗಲಿರಲಿ ಇರುಳಿರಲಿ ಸದಾ ನಿನ್ನ ಕನಸಿರಲಿ 
ಉಸಿರಿರುವ ತನಕ ಸ್ಮ್ರಿತಿಯಲಿ ನಿನ್ನ ನೆನಪಿರಲಿ 

ಮಲೆನಾಡಿನ ತುಂಬೆಲ್ಲ ಪ್ರೀತಿಯ ಹಸಿರಿರಲಿ 
ನನ್ನ ಹೃದಯದ ತುಂಬೆಲ್ಲ ನಿನ್ನಯ ಉಸಿರಿರಲಿ 
ಆ ನಿನ್ನ ಅಧರಗಳ ಸರದಾಟದಿ ನನ್ನಯ ಹೆಸರಿರಲಿ 

ಸದಾ ನಿನ್ನ ಮನವು ನನ್ನ ಸನಿಹವೆ ಬಯಸಿರಲಿ 
ಕಣ್ಣರೆಪ್ಪೆ ಮುಚ್ಚಿದರೂ ನಿನ್ನ ಮುಖವೆ ಕಾಣುತಿರಲಿ 
ನನ್ನ ನೆನಪಾದಾಗಲೆಲ್ಲ ನಿನ್ನ ಅಧರದಲಿ ನಗುವಿರಲಿ 

                                      ಶಿವಪ್ರಸಾದ ಮಿಣಜಿಗಿ